ਹਾਈ ਬਲੱਡ ਪ੍ਰੈੱਸ਼ਰ ਵਿਚ ਫ਼ਾਇਦੇਮੰਦ

ਨਿੰਬੂ ਦੀ ਲਗਾਤਾਰ ਵਰਤੋਂ ਕਰਨ ਨਾਲ ਹਾਈ ਬਲੱਡ ਪ੍ਰੈੱਸ਼ਰ ਕੰਟਰੋਲ ਵਿਚ ਰਹਿੰਦਾ ਹੈ | ਇਸ ਦੀ ਲਗਾਤਾਰ ਵਰਤੋਂ ਕਰਨ ਨਾਲ ਖੂਨ ਦੀਆਂ ਨਾੜੀਆਂ ਦੀ ਸਖ਼ਤਪਨ ਦੂਰ ਹੋ ਕੇ ਉਸ ਵਿਚ ਲਚੀਲਾਪਨ ਅਤੇ ਕੋਮਲਤਾ ਆਉਂਦੀ ਹੈ, ਜਿਸ ਨਾਲ ਹਾਈ ਬਲੱਡ ਪ੍ਰੈੱਸ਼ਰ ਵਿਚ ਲਾਭ ਮਿਲਦਾ ਹੈ | 6 ਬੂੰਦਾਂ ਲਸਣ ਦਾ ਰਸ ਪਾਣੀ ਵਿਚ ਮਿਲਾ ਕੇ ਦਿਨ ਵਿਚ 3-4 ਵਾਰ ਪੀਣ ਜਾਂ ਭੋਜਨ ਤੋਂ ਬਾਅਦ ਕੱਚਾ ਲਸਣ ਖਾਣ ਨਾਲ ਹਾਈ ਬਲੱਡ ਪ੍ਰੈੱਸ਼ਰ ਕੰਟਰੋਲ ਵਿਚ ਰਹਿੰਦਾ ਹੈ | ਪਾਣੀ ਜ਼ਿਆਦਾ ਪੀਓ, ਜਿਸ ਨਾਲ ਪਿਸ਼ਾਬ ਜ਼ਿਆਦਾ ਆਵੇਗਾ ਅਤੇ ਹਾਈ ਬਲੱਡ ਪ੍ਰੈੱਸ਼ਰ ਸਾਧਾਰਨ ਰਹੇਗਾ | ਮਾਨਸਿਕ ਤਣਾਅ, ਗੁੱਸੇ ਅਤੇ ਚਿੰਤਾ ਤੋਂ ਬਚੋ | ਇਸ ਨਾਲ ਬਲੱਡ ਪ੍ਰੈੱਸ਼ਰ ਨਹੀਂ ਵਧੇਗਾ | ਹਫ਼ਤੇ ਵਿਚ ਇਕ ਦਿਨ ਵਰਤ ਜ਼ਰੂਰ ਰੱਖਣਾ ਚਾਹੀਦਾ ਹੈ | ਵਰਤ ਦੌਰਾਨ ਫਲਾਂ ਅਤੇ ਸਬਜ਼ੀਆਂ ਦਾ ਜੂਸ ਲਿਆ ਜਾ ਸਕਦਾ ਹੈ | 25 ਗ੍ਰਾਮ ਨਿੰਮ ਦੀਆਂ ਪੱਤੀਆਂ ਦਾ ਰਸ ਲੈਣਾ ਲਾਭਕਾਰੀ ਹੁੰਦਾ ਹੈ | ਸ਼ਵ ਆਸਣ ਕਰਨ ਨਾਲ ਹਾਈ ਬਲੱਡ ਪ੍ਰੈੱਸ਼ਰ ਵਿਚ ਲਾਭ ਮਿਲਦਾ ਹੈ | ਇਸ ਲਈ ਸਿੱਧੇ ਲੰਮੇ ਪੈ ਜਾਓ | ਹੱਥਾਂ-ਪੈਰਾਂ ਨੂੰ  ਸਿੱਧਾ ਰੱਖੋ ਅਤੇ ਦੋਵੇਂ ਅੱਡੀਆਂ ਮਿਲੀਆਂ ਹੋਣ | ਅੱਖਾਂ ਬੰਦ ਕਰਕੇ ਸਰੀਰ ਨੂੰ  ਬਿਲਕੁਲ ਢਿੱਲਾ ਛੱਡ ਦਿਓ | ਸੋਚਣਾ ਬੰਦ ਕਰ ਦਿਓ ਅਤੇ ਸਾਹ 'ਤੇ ਧਿਆਨ ਰੱਖਦੇ ਹੋਏ ਹੌਲੀ-ਹੌਲੀ ਸਾਹ ਲਓ | ਸ਼ਵ ਆਸਣ ਵਿਚ 5 ਮਿੰਟ ਰੋਜ਼ ਕਰੋ | ਇਸ ਨਾਲ ਸਰੀਰ ਵਿਚ ਤਾਜ਼ਗੀ ਆਵੇਗੀ |