ਕੋਠੇ ਪੱਤੀ ਬੰਗੇਹਰ ਵਿਚ ਦੋ ਮੋਘੇ ਲਗਾਏ ਜਾਣ ਦੀ ਮੰਗ
ਧਨੌਲਾ, 9 ਸਤੰਬਰ (ਜਤਿੰਦਰ ਸਿੰਘ ਧਨੌਲਾ)-ਪੱਤੀ ਬੰਗੇਹਰ ਜੱਟਾਂ ਅਤੇ ਕੋਠੇ ਪੱਤੀ ਬੰਗੇਹਰ ਦੇ ਲੋਕਾਂ ਨੇ ਕੌਂਸਲਰ ਬੂਟਾ ਸਿੰਘ ਢਿੱਲੋਂ ਅਤੇ ਸੀਨੀਅਰ ਆਗੂ ਨਰਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਰਜਵਾਹੇ ਦੇ ਪੁਲ ਨਜ਼ਦੀਕ ਦੋ ਮੋਘੇ ਲਗਾਏ ਜਾਣ ਲਈ ਹਰਿੰਦਰ ਸਿੰਘ ਧਾਲੀਵਾਲ ਇੰਚਾਰਜ ਆਮ ਆਦਮੀ ਪਾਰਟੀ ਬਰਨਾਲਾ ਨੂੰ ਪੁਲ ਨਜ਼ਦੀਕ ਬੁਲਾ ਕੇ ਮੌਕਾ ਦਿਖਾਇਆ। ਹਰਿੰਦਰ ਸਿੰਘ ਧਾਲੀਵਾਲ ਦੇ ਧਿਆਨ ਵਿਚ ਲਿਆਉਂਦਿਆਂ ਲੋਕਾਂ ਨੇ ਦੱਸਿਆ ਕਿ ਝਾਲ ਵਾਲੇ ਪੁਲ ਨਜ਼ਦੀਕ ਵਾਲੇ ਮੋਘੇ ਤੋਂ ਨਹਿਰੀ ਪਾਣੀ ਨੂੰ ਡੇਢ ਕਿੱਲੋਮੀਟਰ ਤੱਕ ਲਿਜਾਣਾ ਪੈਂਦਾ ਹੈ।
ਧਨੌਲਾ, 9 ਸਤੰਬਰ (ਜਤਿੰਦਰ ਸਿੰਘ ਧਨੌਲਾ)-ਪੱਤੀ ਬੰਗੇਹਰ ਜੱਟਾਂ ਅਤੇ ਕੋਠੇ ਪੱਤੀ ਬੰਗੇਹਰ ਦੇ ਲੋਕਾਂ ਨੇ ਕੌਂਸਲਰ ਬੂਟਾ ਸਿੰਘ ਢਿੱਲੋਂ ਅਤੇ ਸੀਨੀਅਰ ਆਗੂ ਨਰਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਰਜਵਾਹੇ ਦੇ ਪੁਲ ਨਜ਼ਦੀਕ ਦੋ ਮੋਘੇ ਲਗਾਏ ਜਾਣ ਲਈ ਹਰਿੰਦਰ ਸਿੰਘ ਧਾਲੀਵਾਲ ਇੰਚਾਰਜ ਆਮ ਆਦਮੀ ਪਾਰਟੀ ਬਰਨਾਲਾ ਨੂੰ ਪੁਲ ਨਜ਼ਦੀਕ ਬੁਲਾ ਕੇ ਮੌਕਾ ਦਿਖਾਇਆ। ਹਰਿੰਦਰ ਸਿੰਘ ਧਾਲੀਵਾਲ ਦੇ ਧਿਆਨ ਵਿਚ ਲਿਆਉਂਦਿਆਂ ਲੋਕਾਂ ਨੇ ਦੱਸਿਆ ਕਿ ਝਾਲ ਵਾਲੇ ਪੁਲ ਨਜ਼ਦੀਕ ਵਾਲੇ ਮੋਘੇ ਤੋਂ ਨਹਿਰੀ ਪਾਣੀ ਨੂੰ ਡੇਢ ਕਿੱਲੋਮੀਟਰ ਤੱਕ ਲਿਜਾਣਾ ਪੈਂਦਾ ਹੈ। ਜਦ ਕਿ ਅੱਧਾ ਰਕਬਾ ਸੜਕ ਦੇ ਖੱਬੇ ਪਾਸੇ ਅਤੇ ਅੱਧਾ ਸੜਕ ਦੇ ਸੱਜੇ ਪਾਸੇ ਰਹਿ ਜਾਂਦਾ ਹੈ। ਲੋਕਾਂ ਨੇ ਪੁਲਿਸ ਦੀ ਇਕ ਮੰਗ ਕਰਦਿਆਂ ਆਖਿਆ ਕਿ ਦੋਵੇਂ ਪਾਸੇ ਵੱਖ-ਵੱਖ ਦੋ ਮੋਘੇ ਲਗਾਏ ਜਾਣ। ਹਰਿੰਦਰ ਸਿੰਘ ਧਾਲੀਵਾਲ ਨੇ ਮੌਕੇ ’ਤੇ ਐਕਸੀਅਨ ਸਿੰਚਾਈ ਵਿਭਾਗ ਸੰਗਰੂਰ ਨੂੰ ਫ਼ੋਨ ਕਰ ਕੇ ਤੁਰੰਤ ਮੌਕਾ ਦੇਖ ਕੇ ਢੁਕਵਾਂ ਨਿਰਨਾ ਲੈਣ ਦੇ ਆਦੇਸ਼ ਦਿੱਤੇ।
