ਪਿੰਡ ਤੋਲੇਵਾਲ ਵਿਖੇ ਲੱਗੀਆਂ ਤੀਆਂ ਦੀਆਂ ਵਿਸ਼ਾਲ ਰੌਣਕਾਂ
ਅਮਰਗੜ੍ਹ, 18 ਅਗਸਤ (ਜਤਿੰਦਰ ਮੰਨਵੀ) - ਪੰਜਾਬ ਦੇ ਅਮੀਰ ਸੱਭਿਆਚਾਰ ਤੇ ਪੁਰਾਤਨ ਵਿਰਸੇ ਨੂੰ ਚੜ੍ਹੀ ਪੱਛਮੀ ਸੱਭਿਆਚਾਰ ਦੀ ਪਿਉਂਦ ਦੇ ਮਾੜੇ ਪ੍ਰਭਾਵ ਨੇ ਭਾਵੇਂ ਕਈ ਥਾਈਂ ਪਿੰਡਾਂ ‘ਚੋਂ ਤੀਆਂ ਦੇ ਪਿੜ ਅਲੋਪ ਕਰ ਦਿੱਤੇ ਹਨ, ਪਰ ਹਲਕਾ ਅਮਰਗੜ੍ਹ ਦੇ ਪਿੰਡ ਤੋਲੇਵਾਲ ਵਿਖੇ ਸਰਪੰਚ ਜਗਵੀਰ ਸਿੰਘ ਰੋਸੀ ਤੋਲੇਵਾਲ ਜਿਲ੍ਹਾ ਯੂਥ ਪ੍ਰਧਾਨ ਆਮ ਆਦਮੀ ਪਾਰਟੀ ਦੀ ਅਗਵਾਈ ਹੇਠ ਤੀਆਂ ਦਾ ਤਿਉਹਾਰ ਬੜੇ ਹੀ ਧੂਮ-ਧਾਮ ਨਾਲ ਮਨਾਇਆ ਗਿਆ। ਪਿੰਡ ਦੀ ਸੱਥ ‘ਚ ਇਕੱਠੀਆਂ ਹੋਈਆਂ ਸੱਜ-ਵਿਆਹੀਆਂ ਤੇ ਕੁਆਰੀਆਂ ਮੁਟਿਆਰਾਂ ਸਮੇਤ ਪਿੰਡ ਦੇ ਸਰਪੰਚ ਦੇ ਖ਼ਾਸ ਸੱਦੇ ਤੇ ਆਪਣੇ ਪੇਕੇ ਆਈਆਂ ਪਿੰਡ ਦੀਆਂ ਸਾਰੀਆਂ ਹੀ ਵਿਆਹਦੜ ਧੀਆਂ ਨੇ ਸਾਉਣ ਦੇ ਮਹੀਨੇ ਵਾਂਗ ਬੋਲੀਆਂ ਦਾ ਮੀਂਹ ਵਰ੍ਹਾਉਂਦਿਆਂ ਜਿੱਥੇ ਜਮ ਕੇ ਗਿੱਧਾ ਪਾਇਆ, ਉੱਥੇ ਹੀ ਪੰਜਾਬੀ ਸੱਭਿਆਚਾਰ ਨੂੰ ਜਿਉਂਦਾ ਰੱਖਣ ਦੀ ਕੋਸ਼ਿਸ਼ ਕਰਦਿਆਂ ਮੁਟਿਆਰਾਂ ਨੇ ਪੀਂਘਾਂ ਝੂਟੀਆਂ, ਲੋਕ ਬੋਲੀਆਂ, ਗਿੱਧਾ ਅਤੇ ਕਿੱਕਲੀ ਪਾ ਕੇ ਖ਼ੁਸ਼ੀਆਂ ਵੰਡੀਆਂ।
ਅਮਰਗੜ੍ਹ, 18 ਅਗਸਤ (ਜਤਿੰਦਰ ਮੰਨਵੀ) - ਪੰਜਾਬ ਦੇ ਅਮੀਰ ਸੱਭਿਆਚਾਰ ਤੇ ਪੁਰਾਤਨ ਵਿਰਸੇ ਨੂੰ ਚੜ੍ਹੀ ਪੱਛਮੀ ਸੱਭਿਆਚਾਰ ਦੀ ਪਿਉਂਦ ਦੇ ਮਾੜੇ ਪ੍ਰਭਾਵ ਨੇ ਭਾਵੇਂ ਕਈ ਥਾਈਂ ਪਿੰਡਾਂ ‘ਚੋਂ ਤੀਆਂ ਦੇ ਪਿੜ ਅਲੋਪ ਕਰ ਦਿੱਤੇ ਹਨ, ਪਰ ਹਲਕਾ ਅਮਰਗੜ੍ਹ ਦੇ ਪਿੰਡ ਤੋਲੇਵਾਲ ਵਿਖੇ ਸਰਪੰਚ ਜਗਵੀਰ ਸਿੰਘ ਰੋਸੀ ਤੋਲੇਵਾਲ ਜਿਲ੍ਹਾ ਯੂਥ ਪ੍ਰਧਾਨ ਆਮ ਆਦਮੀ ਪਾਰਟੀ ਦੀ ਅਗਵਾਈ ਹੇਠ ਤੀਆਂ ਦਾ ਤਿਉਹਾਰ ਬੜੇ ਹੀ ਧੂਮ-ਧਾਮ ਨਾਲ ਮਨਾਇਆ ਗਿਆ। ਪਿੰਡ ਦੀ ਸੱਥ ‘ਚ ਇਕੱਠੀਆਂ ਹੋਈਆਂ ਸੱਜ-ਵਿਆਹੀਆਂ ਤੇ ਕੁਆਰੀਆਂ ਮੁਟਿਆਰਾਂ ਸਮੇਤ ਪਿੰਡ ਦੇ ਸਰਪੰਚ ਦੇ ਖ਼ਾਸ ਸੱਦੇ ਤੇ ਆਪਣੇ ਪੇਕੇ ਆਈਆਂ ਪਿੰਡ ਦੀਆਂ ਸਾਰੀਆਂ ਹੀ ਵਿਆਹਦੜ ਧੀਆਂ ਨੇ ਸਾਉਣ ਦੇ ਮਹੀਨੇ ਵਾਂਗ ਬੋਲੀਆਂ ਦਾ ਮੀਂਹ ਵਰ੍ਹਾਉਂਦਿਆਂ ਜਿੱਥੇ ਜਮ ਕੇ ਗਿੱਧਾ ਪਾਇਆ, ਉੱਥੇ ਹੀ ਪੰਜਾਬੀ ਸੱਭਿਆਚਾਰ ਨੂੰ ਜਿਉਂਦਾ ਰੱਖਣ ਦੀ ਕੋਸ਼ਿਸ਼ ਕਰਦਿਆਂ ਮੁਟਿਆਰਾਂ ਨੇ ਪੀਂਘਾਂ ਝੂਟੀਆਂ, ਲੋਕ ਬੋਲੀਆਂ, ਗਿੱਧਾ ਅਤੇ ਕਿੱਕਲੀ ਪਾ ਕੇ ਖ਼ੁਸ਼ੀਆਂ ਵੰਡੀਆਂ।ਇਸ ਮੌਕੇ ਉਚੇਚੇ ਤੌਰ ਤੇ ਪਹੁੰਚੇ ਪ੍ਰਿੰਸੀਪਲ ਡਾ.ਪਰਮਿੰਦਰ ਕੌਰ ਮੰਡੇਰ ਅਤੇ ਪੰਜਾਬੀ ਅਦਾਕਾਰਾ ਬੱਬਲ ਕੌਰ ਨੇ ਨੌਜਵਾਨ ਸਰਪੰਚ ਰੋਸੀ ਤੋਲੇਵਾਲ ਦੀ ਸ਼ਲਾਘਾ ਕੀਤੀ ਤੇ ਤੀਆਂ ਦੇ ਪਿੜ ’ਚ ਖ਼ੂਬ ਗਿੱਧਾ ਪਾਇਆ। ਇਸ ਦੌਰਾਨ ਸਰਪੰਚ ਜਗਵੀਰ ਸਿੰਘ ਰੋਸੀ ਤੋਲੇਵਾਲ ਅਤੇ ਪ੍ਰਿੰਸੀਪਲ ਡਾ. ਪਰਮਿੰਦਰ ਕੌਰ ਮੰਡੇਰ ਵਲੋਂ ਤੀਆਂ ਮਨਾਉਣ ਆਈਆਂ ਪਿੰਡ ਦੀਆਂ ਮੁਟਿਆਰਾਂ ਅਤੇ ਬਜ਼ੁਰਗ ਔਰਤਾਂ ਨੂੰ ਸੰਧਾਰੇ ਵਜੋਂ ਬਿਸਕੁਟਾਂ ਨਾਲ ਭਰੇ ਪੀਪੇ, ਸ਼ਗਨ ਅਤੇ ਫੁਲਕਾਰੀਆਂ ਭੇਟ ਕੀਤੀਆਂ ਗਈਆਂ । ਇਸ ਮੌਕੇ ਡਾਕਟਰ ਗੁਰਪ੍ਰੀਤ ਕੌਰ, ਸਾਬਕਾ ਸਰਪੰਚ ਬੇਅੰਤ ਸਿੰਘ, ਕਾਂਗਰਸ ਆਗੂ ਲਾਲ ਸਿੰਘ ਤੋਲੇਵਾਲ, ਪੰਚਾਇਤ ਮੈਂਬਰ ਰਾਜਵਿੰਦਰ ਸਿੰਘ ਲੱਖਾ, ਮੈਂਬਰ ਨਿਰਪਾਲ ਸਿੰਘ, ਮੈਂਬਰ ਸਿੰਗਾਰਾ ਸਿੰਘ, ਮੈਂਬਰ ਭੁਪਿੰਦਰ ਕੌਰ ਤੇ ਕਿਸਾਨ ਆਗੂ ਮਨੀ ਸਿੰਘ ਭੁੱਲਰ ਆਦਿ ਹਾਜ਼ਰ ਸਨ।
