ਲੋਹੇ ਦੀ ਵਸਤੂ ’ਚ ਸੁਰਾਖ਼ ਕਰਦੇ ਸਮੇਂ ਧਮਾਕਾ, ਦੁਕਾਨਦਾਰ ਦਾ ਹੱਥ ਬੁਰੀ ਤਰ੍ਹਾਂ ਨੁਕਸਾਨਿਆ

ਫ਼

ਫ਼ਾਜ਼ਿਲਕਾ ਦੇ ਸਰਕਾਰੀ ਹਸਪਤਾਲ ਵਿਚ ਜ਼ੇਰੇ ਇਲਾਜ ਜ਼ਖ਼ਮੀ ਸਤਨਾਮ ਸਿੰਘ। ਅਜੀਤ ਤਸਵੀਰ 17-09-2026

ਫ਼ਾਜ਼ਿਲਕਾ, 16 ਸਤੰਬਰ (ਦਵਿੰਦਰ ਪਾਲ ਸਿੰਘ)- ਫ਼ਾਜ਼ਿਲਕਾ ਦੇ ਮਲੋਟ ਚੌਕ ’ਚ ਸਦਰ ਥਾਣੇ ਦੇ ਨੇੜੇ ਸਥਿਤ ਇਕ ਵਰਕਸ਼ਾਪ ’ਚ ਕੰਮ ਕਰਦੇ ਸਮੇਂ ਅਚਾਨਕ ਜ਼ੋਰਦਾਰ ਧਮਾਕਾ ਹੋ ਗਿਆ। ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਵਰਕਸ਼ਾਪ ਸੰਚਾਲਕ ਸਤਨਾਮ ਸਿੰਘ ਲੋਹੇ ਦੀ ਕਿਸੇ ਵਸਤੂ ਵਿਚ ਡਰਿਲ ਨਾਲ ਸੁਰਾਖ਼ ਕਰ ਰਹਾ ਸੀ । ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਸਤਨਾਮ ਸਿੰਘ ਦਾ ਇਕ ਹੱਥ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਘਟਨਾ ਤੋਂ ਤੁਰੰਤ ਬਾਅਦ ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਜ਼ਖ਼ਮੀ ਸਤਨਾਮ ਸਿੰਘ ਨੂੰ ਫ਼ਾਜ਼ਿਲਕਾ ਦੇ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਸਰਕਾਰੀ ਹਸਪਤਾਲ ਦੇ ਡਾਕਟਰ ਕਰਨ ਨੇ ਪ੍ਰਾਇਮਰੀ ਇਲਾਜ ਦੇਣ ਤੋਂ ਬਾਅਦ ਉਸ ਨੂੰ ਬਿਹਤਰ ਇਲਾਜ ਲਈ ਬਠਿੰਡਾ ਏਮਜ਼ ਰੈਫ਼ਰ ਕਰ ਦਿੱਤਾ ਗਿਆ ਹੈ। ਜ਼ਖ਼ਮੀ ਦੇ ਚਚੇਰੇ ਭਰਾ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਕੁੱਝ ਲੋਕ ਸਤਨਾਮ ਸਿੰਘ ਨੂੰ ਵਰਕਸ਼ਾਪ ’ਚ ਲੋਹੇ ਦਾ ਸਾਮਾਨ ਕੰਮ ਲਈ ਦੇ ਕੇ ਗਏ ਸਨ ਜਿਸ ’ਚ ਸੁਰਾਖ਼ ਕਰਦੇ ਸਮੇਂ ਇਹ ਭਿਆਨਕ ਹਾਦਸਾ ਵਾਪਰ ਗਿਆ। ਜਾਂਚ ਲਈ ਮੌਕੇ ’ਤੇ ਪੁੱਜੀਆਂ ਫੋਰੈਂਸਿਕ ਟੀਮਾਂ ਫ਼ਾਜ਼ਿਲਕਾ, (ਅਮਰਜੀਤ ਸ਼ਰਮਾ)- ਵਰਕਸ਼ਾਪ ’ਚ ਹੋਏ ਧਮਾਕੇ ਦੀ ਜਾਂਚ ਲਈ ਫੋਰੈਂਸਿਕ ਟੀਮਾਂ ਪੁੱਜ ਗਈਆਂ ਹਨ। ਹੁਣ ਤੱਕ ਦੀ ਪ੍ਰਾਪਤ ਜਾਣਕਾਰੀ ਅਨੁਸਾਰ ਵਰਕਸ਼ਾਪ ’ਤੇ ਧਮਾਕੇ ਤੋਂ ਅੱਧਾ ਘੰਟਾ ਪਹਿਲਾਂ ਕੋਈ ਵਿਅਕਤੀ ਸਾਮਾਨ ਲੈ ਕੇ ਆਇਆ ਤੇ ਸਤਨਾਮ ਸਿੰਘ ਨੂੰ ਉਸ ਵਿਚ ਸੁਰਾਖ਼ ਕਰਨ ਲਈ ਦੇ ਕੇ ਗਿਆ ਸੀ ਜਿਸਨੂੰ ਸੁਰਾਖ਼ ਕਰਦੇ ਸਮੇਂ ਇਹ ਧਮਾਕਾ ਹੋਇਆ ਦੱਸਿਆ ਜਾ ਰਿਹਾ ਹੈ । ਖ਼ਬਰ ਲਿਖੇ ਜਾਣ ਤੱਕ ਟੀਮਾਂ ਦੁਕਾਨ ਦੇ ਅੰਦਰ ਸਨ ਅਤੇ ਜਾਂਚ ਜਾਰੀ ਸੀ।