ਬਰੇਟਾ ਦੇ ਸ਼ਿਵਕਰਨ ਸਿੰਘ ਦੀ ਰਾਜ ਪੱਧਰੀ ਲੋਕ-ਗੀਤ ਮੁਕਾਬਲੇ ਲਈ ਹੋਈ ਚੋਣ
ਬਰੇਟਾ , 25 ਸਤੰਬਰ ( ਪਾਲ ਸਿੰਘ ਮੰਡੇਰ )- ਸਥਾਨਕ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਵਿਦਿਆਰਥੀ ਸ਼ਿਵਕਰਨ ਸਿੰਘ ਦੀ ਰਾਜ ਪੱਧਰੀ ਲੋਕ - ਗੀਤ ਮੁਕਾਬਲੇ ਲਈ ਚੋਣ ਹੋਈ ਹੈ । ਉਸ ਦੀ ਇਸ ਪ੍ਰਾਪਤੀ ਨਾਲ ਸਕੂਲ , ਅਧਿਆਪਕਾਂ ਤੇ ਪਰਿਵਾਰ ’ ਚ ਖ਼ੁਸ਼ੀ ਦੀ ਲਹਿਰ ਹੈ ।
ਬਰੇਟਾ , 25 ਸਤੰਬਰ ( ਪਾਲ ਸਿੰਘ ਮੰਡੇਰ )- ਸਥਾਨਕ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਵਿਦਿਆਰਥੀ ਸ਼ਿਵਕਰਨ ਸਿੰਘ ਦੀ ਰਾਜ ਪੱਧਰੀ ਲੋਕ - ਗੀਤ ਮੁਕਾਬਲੇ ਲਈ ਚੋਣ ਹੋਈ ਹੈ । ਉਸ ਦੀ ਇਸ ਪ੍ਰਾਪਤੀ ਨਾਲ ਸਕੂਲ , ਅਧਿਆਪਕਾਂ ਤੇ ਪਰਿਵਾਰ ’ ਚ ਖ਼ੁਸ਼ੀ ਦੀ ਲਹਿਰ ਹੈ । ਜਾਣਕਾਰੀ ਅਨੁਸਾਰ ਸਿੱਖਿਆ ਅਤੇ ਕਲਾ ਮੰਚ ਪੰਜਾਬ ਵਲੋਂ ‘ ਨਵੇਂ ਦਿਸਹੱਦੇ ’ ਸਿਰਲੇਖ ਹੇਠ ਕਰਵਾਏ ਗਏ ਰਾਜ ਪੱਧਰੀ ਆਨਲਾਈਨ ਕਲਾ ਮੁਕਾਬਲਿਆਂ ’ ਚ ਸ਼ਿਵਕਰਨ ਸਿੰਘ ਨੇ ਲੋਕ - ਗੀਤ ਮੁਕਾਬਲੇ ਦੌਰਾਨ ਆਪਣੀ ਸੁਰੀਲੀ ਆਵਾਜ਼ ਤੇ ਪ੍ਰਭਾਵਸ਼ਾਲੀ ਪੇਸ਼ਕਾਰੀ ਨਾਲ ਵਿਸ਼ੇਸ਼ ਪਹਿਚਾਣ ਬਣਾਈ । ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੇ ਆਧਾਰ ’ ਤੇ ਉਸ ਨੂੰ ਨਵੰਬਰ ਮਹੀਨੇ ਹੋਣ ਵਾਲੇ ਰਾਜ ਪੱਧਰੀ ਆਫਲਾਈਨ ਮੁਕਾਬਲੇ ਲਈ ਚੁਣਿਆ ਗਿਆ ਹੈ । ਸਕੂਲ ਦੇ ਸੈਂਟਰ ਹੈੱਡ ਟੀਚਰ ਰਾਜਪਾਲ ਨੇ ਸ਼ਿਵਕਰਨ ਸਿੰਘ , ਉਸ ਦੇ ਗਾਈਡ ਅਧਿਆਪਕ , ਮਾਪਿਆਂ ਤੇ ਸਮੂਹ ਸਕੂਲ ਸਟਾਫ਼ ਨੂੰ ਵਧਾਈ ਦਿੱਤੀ ।
