ਸੀਸੂ ਟੈਕ ਸ਼ੋਅ-2026 ਉਦਯੋਗ ਦੇ ਭਰਵੇਂ ਹੁੰਗਾਰੇ ਨਾਲ ਸਮਾਪਤ
ਲੁਧਿਆਣਾ, 27 ਸਤੰਬਰ (ਜਤਿੰਦਰ ਭੰਬੀ)-ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਜ (ਸੀਸੂ) ਵਲੋਂ ਆਪਣੇ ਫੋਕਲ ਪੁਆਇੰਟ ਕੰਪਲੈਕਸ ਵਿਖੇ ‘ਸੀਸੂ ਟੈਕ ਸ਼ੋਅ-2026’ ਨਿਰਮਾਤਾਵਾਂ, ਉੱਦਮੀਆਂ ਅਤੇ ਤਕਨਾਲੋਜੀ ਪ੍ਰਦਾਤਾਵਾਂ ਦੇ ਭਰਵੇਂ ਹੁੰਗਾਰੇ ਨਾਲ ਸਮਾਪਤ ਹੋਇਆ। ਦੋ-ਰੋਜਾ ਇਸ ਸਮਾਗਮ ਵਿਚ 50 ਤੋਂ ਵੱਧ ਪ੍ਰਦਰਸ਼ਕ ਸ਼ਾਮਿਲ ਹੋਏ, ਜਿਨ੍ਹਾਂ ਨੇ ਦਰਸ਼ਕਾਂ ਨੂੰ ਨਿਰਮਾਣ ਖੇਤਰ ਲਈ ਉੱਭਰ ਰਹੀਆਂ ਤਕਨੀਕਾਂ, ਆਟੋਮੇਸ਼ਨ ਹੱਲਾਂ, ‘ਇੰਡਸਟਰੀ 4.
ਸ
ਸੀਸੂ ਦੇ ਪ੍ਰਧਾਨ ਉਪਕਾਰ ਸਿੰਘ ਆਹੂਜਾ ਨੂੰ ਸਨਮਾਨਿਤ ਕਰਦੇ ਉਦਯੋਗਪਤੀ। ਅਜੀਤ ਤਸਵੀਰ
28-09-2026
ਲੁਧਿਆਣਾ, 27 ਸਤੰਬਰ (ਜਤਿੰਦਰ ਭੰਬੀ)-ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਜ (ਸੀਸੂ) ਵਲੋਂ ਆਪਣੇ ਫੋਕਲ ਪੁਆਇੰਟ ਕੰਪਲੈਕਸ ਵਿਖੇ ‘ਸੀਸੂ ਟੈਕ ਸ਼ੋਅ-2026’ ਨਿਰਮਾਤਾਵਾਂ, ਉੱਦਮੀਆਂ ਅਤੇ ਤਕਨਾਲੋਜੀ ਪ੍ਰਦਾਤਾਵਾਂ ਦੇ ਭਰਵੇਂ ਹੁੰਗਾਰੇ ਨਾਲ ਸਮਾਪਤ ਹੋਇਆ। ਦੋ-ਰੋਜਾ ਇਸ ਸਮਾਗਮ ਵਿਚ 50 ਤੋਂ ਵੱਧ ਪ੍ਰਦਰਸ਼ਕ ਸ਼ਾਮਿਲ ਹੋਏ, ਜਿਨ੍ਹਾਂ ਨੇ ਦਰਸ਼ਕਾਂ ਨੂੰ ਨਿਰਮਾਣ ਖੇਤਰ ਲਈ ਉੱਭਰ ਰਹੀਆਂ ਤਕਨੀਕਾਂ, ਆਟੋਮੇਸ਼ਨ ਹੱਲਾਂ, ‘ਇੰਡਸਟਰੀ 4.0’ ਦੀਆਂ ਐਪਲੀਕੇਸ਼ਨਾਂ ਅਤੇ ਏ.ਆਈ.-ਅਧਾਰਿਤ ਨਵੀਨਤਾਵਾਂ ਬਾਰੇ ਨੇੜਿਓਂ ਜਾਣਨ ਦਾ ਮੌਕਾ ਦਿੱਤਾ। ਇਸ ਪ੍ਰਦਰਸ਼ਨੀ ਦਾ ਮੁੱਖ ਆਕਰਸ਼ਣ ‘ਸੀਸੂ ਲੋਅ-ਕੋਸਟ ਆਟੋਮੇਸ਼ਨ ਸੈਂਟਰ’ (ਘੱਟ ਲਾਗਤ ਵਾਲਾ ਆਟੋਮੇਸ਼ਨ ਕੇਂਦਰ) ਸੀ, ਜਿਸਨੇ ਵਿਹਾਰਕ ਅਤੇ ਕਿਫ਼ਾਇਤੀ ਆਟੋਮੇਸ਼ਨ ਹੱਲ ਲੱਭ ਰਹੇ ਉਦਯੋਗਿਕ ਦਰਸ਼ਕਾਂ ਦਾ ਕਾਫੀ ਧਿਆਨ ਆਪਣੇ ਵੱਲ ਖਿੱਚਿਆ। ਇਸ ਕੇਂਦਰ ਨੇ ਦਿਖਾਇਆ ਕਿ ਕਿਵੇਂ ਬਹੁਤ ਜ਼ਿਆਦਾ ਨਿਵੇਸ਼ ਕੀਤੇ ਬਿਨਾਂ ਉਤਪਾਦਕਤਾ, ਗੁਣਵੱਤਾ ਅਤੇ ਕਾਰਜਸ਼ੀਲ ਕੁਸ਼ਲਤਾ ਨੂੰ ਬਿਹਤਰ ਬਣਾਉਣ ਲਈ ਆਟੋਮੇਸ਼ਨ ਨੂੰ ਅਪਣਾ ਸਕਦੇ ਹਨ। ਨਿਰਮਾਤਾਵਾਂ ਅਤੇ ਐਮ.ਐਸ.ਐਮ.ਈਜ਼ ਲਈ ਇੰਡਸਟਰੀ 4.0 ਅਤੇ ਏ.ਆਈ ਤਬਦੀਲੀ ਦੇ ਵਿਸ਼ੇ ‘ਤੇ ਆਯੋਜਿਤ ‘ਦਿ ਟੈਕ ਸ਼ੋਅ’ ਨੇ ਤਕਨਾਲੋਜੀ ਕੰਪਨੀਆਂ ਅਤੇ ਉਦਯੋਗਿਕ ਇਕਾਈਆਂ ਨੂੰ ਆਪਸ ਵਿੱਚ ਸਿੱਧਾ ਸੰਪਰਕ ਕਰਨ ਅਤੇ ਉਤਪਾਦਨ-ਖੇਤਰ ਦੀਆਂ ਲੋੜਾਂ ਨਾਲ ਸਬੰਧਤ ਹੱਲ ਲੱਭਣ ਲਈ ਇੱਕ ਮੰਚ ਪ੍ਰਦਾਨ ਕੀਤਾ। ਪ੍ਰਦਰਸ਼ਨੀ ਦੇ ਨਾਲ-ਨਾਲ ਸੀਸੂ ਨੇ ਆਧੁਨਿਕ ਨਿਰਮਾਣ ਅਭਿਆਸਾਂ, ‘ਲੀਨ ਮੈਨੇਜਮੈਂਟ’, ਤਕਨਾਲੋਜੀ ਅਤੇ ਉੱਦਮਤਾ ਬਾਰੇ ਤਕਨੀਕੀ ਅਤੇ ਗਿਆਨ-ਸਾਂਝਾ ਕਰਨ ਵਾਲ ੇ ਸੈਸਨਾਂ ਦੀ ਇੱਕ ਲੜੀ ਵੀ ਆਯੋਜਿਤ ਕੀਤੀ। ਇਨ੍ਹਾਂ ਸੈਸਨਾਂ ਵਿਚ ਕਈ ਮਾਹਿਰ ਸ਼ਾਮਿਲ ਹੋਏ, ਜਿਨ੍ਹਾਂ ਵਿਚ ਨਰਿੰਦਰ ਸਿੰਘ ਜੱਸਲ (ਸੀਨੀਅਰ ਪ੍ਰਿੰਸੀਪਲ ਸਾਇੰਟਿਸਟ,), ਪ੍ਰਤਾਪ ਕ੍ਰਿਸਨ ਅਗਰਵਾਲ (ਮੈਂਬਰ ਕੌਂਸਲ ਅਤੇ ਡਾਇਰੈਕਟਰ, ਸਪੇਸ ਫੈਸਨਜ ਲਿਮਟਿਡ), ਸੁਮੇਧ ਸਚਦੇਵ (ਜਨਰਲ ਸਕੱਤਰ, ਚੰਡੀਗੜ੍ਹ), ਯਾਸੁਮੀ ਸੁਜੂਕੀ ਸਾਨ (ਇੰਡੋ-ਜਾਪਾਨ ਬਿਜਨਸ ਸਲਾਹਕਾਰ ਅਤੇ ਸਲਾਹਕਾਰ/ਮੈਂਟਰ) ਅਤੇ ਰਾਕੇਸ਼ ਅੱਤਰੀ (ਵਾਈਸ ਪ੍ਰੈਜੀਡੈਂਟਬਿਜਨਸ ਐਕਸੀਲੈਂਸ, ਮੁੰਜਾਲ ਸੋਵਾ ਲਿਮਟਿਡ) ਸ਼ਾਮਿਲ ਸਨ। ਚੈਪਟਰੋਜ-ਸੀਐਨਆਈ ਚੈਨਲ ਦੇ ਸੰਸਥਾਪਕ ਕੁਨਾਲ ਪਰੂਥੀ ਨੇ ਇੱਕ ਵਿਸ਼ੇਸ਼ ਬੀਐਨਜੀ ਅਤੇ ਵਾਈਬੀਐਲਐਫ ਮੀਟਿੰਗ ਨੂੰ ਵੀ ਸੰਬੋਧਨ ਕੀਤਾ। ਇਸ ਸਮਾਗਮ ਨੇ ਉਦਯੋਗਪਤੀਆਂ ਲਈ ਮਾਹਿਰਾਂ ਅਤੇ ਹੱਲ ਪ੍ਰਦਾਤਾਵਾਂ ਨਾਲ ਸਿੱਧੇ ਤੌਰ ‘ਤੇ ਆਟੋਮੇਸ਼ਨ, ਉਤਪਾਦਕਤਾ ਵਧਾਉਣ, ਲੀਨ ਮੈਨੂੰਫੈਕਚਰਿੰਗ, ਟੀਪੀਐਮ, ਡਿਜੀਟਲ ਪਰਿਵਰਤਨ ਅਤੇ ਤਕਨਾਲੋਜੀ ਅਪਣਾਉਣ ਬਾਰੇ ਚਰਚਾ ਕਰਨ ਦੇ ਮੌਕੇ ਵੀ ਪੈਦਾ ਕੀਤੇ। ਸੀਸੂ ਨੇ ਕਿਹਾ ਕਿ ਟੈਕ ਸ਼ੋਅ-2026 ਦਾ ਸਫ਼ਲ ਸਮਾਪਨ ਪੰਜਾਬ ਵਿਚ ਇਕ ਮਜਬੂਤ ਉਦਯੋਗ-ਤਕਨਾਲੋਜੀ ਈਕੋਸਿਸਟਮ ਦੀ ਵੱਧ ਰਹੀ ਜਰੂਰਤ ਨੂੰ ਦਰਸਾਉਂਦਾ ਹੈ, ਖਾਸ ਕਰਕੇ ਐਮਐਸਐ ਮਈ ਲਈ ਜੋ ਆਪਣੇ ਨਿਰਮਾਣ ਕਾਰਜਾਂ ਨੂੰ ਆਧੁਨਿਕ ਬਣਾਉਣ ਲਈ ਲਾਗਤ-ਪ੍ਰਭਾਵਸਾਲੀ, ਸਕੇਲੇਬਲ ਅਤੇ ਵਿਹਾਰਕ ਹੱਲ ਚਾਹੁੰਦੇ ਹਨ।
