ਤਰਨਤਾਰਨ

ਰੋਟ੍ਰੈਕਟ ਕਲੱਬ ਆਫ਼ ਅੰਮ੍ਰਿਤਸਰ ਵਲੋਂ ਮੈਡੀਕਲ ਅਤੇ ਹੈਲਥ ਚੈੱਕਅਪ ਕੈਂਪ

ਅੰਮ੍ਰਿਤਸਰ, 13 ਸਤੰਬਰ (ਸੁਰਿੰਦਰ ਕੋਛੜ)-ਰੋਟ੍ਰੈਕਟ ਕਲੱਬ ਆਫ਼ ਅੰਮ੍ਰਿਤਸਰ ਨੇਕਟਰ (ਆਰ. ਆਈ.

ਰ

ਰੋਟ੍ਰੈਕਟ ਕਲੱਬ ਆਫ਼ ਅੰਮ੍ਰਿਤਸਰ ਵਲੋਂ ਲਗਾਏ ਕੈਂਪ ਮੌਕੇ ਦਲਜੀਤ ਸਿੰਘ ਅਰੋੜਾ, ਸੁਰਿੰਦਰ ਸਿੰਘ ਅਤੇ ਹੋਰ। ਤਸਵੀਰ : ਨਿਰਮਲ ਸਟੂਡੀਓ 14-09-2026

ਅੰਮ੍ਰਿਤਸਰ, 13 ਸਤੰਬਰ (ਸੁਰਿੰਦਰ ਕੋਛੜ)-ਰੋਟ੍ਰੈਕਟ ਕਲੱਬ ਆਫ਼ ਅੰਮ੍ਰਿਤਸਰ ਨੇਕਟਰ (ਆਰ. ਆਈ. ਡੀ. 3070) ਵਲੋਂ ਰਾਸ਼ਟਰੀ ਪੋਸ਼ਣ ਹਫ਼ਤੇ ਦੇ ਮੌਕੇ ’ਤੇ ਜ਼ਿਲ੍ਹਾ ਪਹਿਲ ‘ਆਰੋਗਿਆ’ ਤਹਿਤ, ਆਪਣੇ ਪੇਰੈਂਟ ਰੋਟਰੀ ਕਲੱਬ ਆਫ਼ ਅੰਮ੍ਰਿਤਸਰ ਅਤੇ ਐਡਵੋਕੇਟ ਪ੍ਰਿੰਸੀਪਲ ਸੋਨਲ ਮਹਾਜਨ ਦੇ ਸਹਿਯੋਗ ਨਾਲ ਸਥਾਨਕ ਦਿ ਸ਼ਾਈਨਿੰਗ ਸਟਾਰ ਸਕੂਲ ਵਿਖੇ ਮੈਡੀਕਲ ਅਤੇ ਹੈਲਥ ਚੈਕ-ਅੱਪ ਕੈਂਪ ਲਗਾਇਆ ਗਿਆ। ਰੋਟ੍ਰੈਕਟਰ ਪ੍ਰਧਾਨ ਦੀਕਸ਼ਾ ਮਹਾਜਨ ਅਤੇ ਸਕੱਤਰ ਦਿਆ ਚੋਪੜਾ ਨੇ ਇਸ ਕੈਂਪ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਦਾ ਉਦੇਸ਼ ਸਿਹਤ ਸੰਬੰਧੀ ਜਾਗਰੂਕਤਾ ਨੂੰ ਉਤਸ਼ਾਹਿਤ ਕਰਨਾ ਅਤੇ ਸਮਾਜ ਨੂੰ ਆਸਾਨੀ ਨਾਲ ਉਪਲਬੱਧ ਅਤੇ ਜ਼ਰੂਰੀ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨਾ ਸੀ। ਕੈਂਪ ਦੌਰਾਨ 243 ਤੋਂ ਵੱਧ ਮਰੀਜ਼ਾਂ ਨੇ ਵੱਖ-ਵੱਖ ਮੈਡੀਕਲ ਸਹੂਲਤਾਂ ਦਾ ਲਾਭ ਲਿਆ। ਡਾ: ਨਵੀਨ ਵਲੋਂ ਜਨਰਲ ਫਿਜ਼ੀਸ਼ੀਅਨ ਦੀ ਸਲਾਹ-ਮਸ਼ਵਰਾ ਸੇਵਾ ਪ੍ਰਦਾਨ ਕੀਤੀ ਗਈ, ਜਦਕਿ ਔਰਾ-ਸਰਕਲ ਕੰਗਨ ਅਰੋੜਾ ਵਲੋਂ ਕਾਊਂਸਲਿੰਗ ਸੈਸ਼ਨ ਕਰਵਾਏ ਗਏ। ਇਸ ਮੌਕੇ ਨਿਰਮਲਜੋਤ ਆਈ ਹਸਪਤਾਲ ਦੇ ਸਹਿਯੋਗ ਨਾਲ ਪੂਰਵਾ ਗੁਪਤਾ ਦੀ ਦੇਖ-ਰੇਖ ਹੇਠ ਅੱਖਾਂ ਦੀ ਜਾਂਚ ਕਰਕੇ ਐਨਕਾਂ ਵੰਡੀਆਂ ਗਈਆਂ। ਇਸ ਤੋਂ ਇਲਾਵਾ ਭਾਈ ਕਨ੍ਹਈਆ ਜੀ ਮਿਸ਼ਨ ਸੋਸਾਇਟੀ ਵਲੋਂ ਮੁਫ਼ਤ ਮੈਡੀਕਲ ਟੈਸਟਿੰਗ ਦੀ ਸਹੂਲਤ ਪ੍ਰਦਾਨ ਕੀਤੀ ਗਈ। ਰੋਟਰੀ ਕਲੱਬ ਆਫ਼ ਅੰਮ੍ਰਿਤਸਰ ਦੇ ਪ੍ਰਧਾਨ ਰੋਟੇਰੀਅਨ ਦਲਜੀਤ ਸਿੰਘ ਅਰੋੜਾ ਅਤੇ ਸਾਬਕਾ ਪ੍ਰਧਾਨ ਸੁਰਿੰਦਰ ਸਿੰਘ ਦੀ ਮੌਜੂਦਗੀ ’ਚ ਲਗਾਏ ਕੈਂਪ ਦੌਰਾਨ ਤਨਵੀ ਮਹਾਜਨ, ਮੋਹਿਤਪ੍ਰੀਤ ਕੌਰ, ਅਨਿਲਾ ਆਰਿਫ਼, ਕੋਮਲ ਸਿੰਘ, ਕਨਿਕਾ ਮਹਾਜਨ, ਮਾਧੁਰਿਆ ਚੌਹਾਨ, ਦਮਨਪ੍ਰੀਤ ਕੌਰ, ਨਾਜ਼ੁਕ ਸ਼ਰਮਾ, ਸੋਨਮ, ਮਾਣਿਕਦੀਪ ਸਿੰਘ ਨੇ ਵੀ ਕੈਂਪ ਦੀ ਸਫਲਤਾ ’ਚ ਵਿਸ਼ੇਸ਼ ਯੋਗਦਾਨ ਪਾਇਆ।

ਪਿਛਲੀ ਖ਼ਬਰ ਪਿੰਡ ਵਲਟੋਹਾ ਵਿਖੇ ਮੀਟਿੰਗ ਦੌਰਾਨ ਸਾਬਕਾ ਵਿਧਾਇਕ ਸੁਖਪਾਲ ਸਿੰਘ ਭੁੱਲਰ। ਅਗਲੀ ਖ਼ਬਰ ਹਰਪਾਲ ਸਿੰਘ ਚੀਮਾ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਨਿਰਪੱਖ ਜਾਂਚ ਕੀਤੀ ਜਾਵੇ – ਰਾਜਾ ਲਦੇਹ

ਰੋਟ੍ਰੈਕਟ ਕਲੱਬ ਆਫ਼ ਅੰਮ੍ਰਿਤਸਰ ਵਲੋਂ ਮੈਡੀਕਲ ਅਤੇ ਹੈਲਥ ਚੈੱਕਅਪ ਕੈਂਪ

ਸੰਬੰਧਿਤ ਖ਼ਬਰਾਂ