ਪਤਨੀ ਨੇ ਲਾਏ ਬਿਜਲੀ ਬੋਰਡ ਦੇ ਮੁਲਾਜ਼ਮ ਪਤੀ ’ਤੇ ਕੁੱਟਮਾਰ ਦੇ ਦੋਸ਼ : ਪਤੀ ਗ੍ਰਿਫਤਾਰ
ਅੰਮ੍ਰਿਤਸਰ, 16 ਨਵੰਬਰ (ਰੇਸ਼ਮ ਸਿੰਘ)-ਬਿਜਲੀ ਬੋਰਡ ਦੇ ਇਕ ਕਰਮਚਾਰੀ ਦੀ ਪਤਨੀ ਨੇ ਆਪਣੇ ਪਤੀ ਖ਼ਿਲਾਫ਼ ਕੁੱਟਮਾਰ ਕਰਕੇ ਸੱਟਾਂ ਲਾਉਣ ਦੇ ਦੋਸ਼ ਲਾਏ ਹਨ ਅਤੇ ਇਸ ਦਾ ਮੈਡੀਕਲ ਕਰਵਾ ਕੇ ਪੁਲਿਸ ਤੋਂ ਕਾਰਵਾਈ ਲਈ ਸ਼ਿਕਾਇਤ ਵੀ ਦਰਜ ਕਰਵਾਈ ਹੈ। ਥਾਣਾ ਸਦਰ ਦੀ ਪੁਲਿਸ ਨੂੰ ਰੀਨਾ ਗੁਪਤਾ ਵਾਸੀ ਮੰਦਰ ਸ਼ਿਵਾਲਾ ਭਾਈਆਂ ਨੇੜੇ ਔਰਤ ਨੇ ਦੱਸਿਆਕਿ ਉਸਦੇ ਵਿਆਹ ਨੂੰ 20 ਸਾਲ ਹੋ ਚੁੱਕੇ ਹਨ ਅਤੇ ਉਨ੍ਹਾਂ ਦਾ ਇਕ 14 ਸਾਲਾ ਪੁੱਤਰ ਹੈ ਜਦੋਂ ਕਿ ਉਸਦਾ ਪਤੀ ਬਿਜਲੀ ਬੋਰਡ ਦਾ ਮੁਲਾਜ਼ਮ ਹੈ ਅਤੇ ਉਸ ਦੇ ਇਕ ਹੋਰ ਔਰਤ ਜੋ ਕਿ ਕੇਅਰ ਟੇਕਰ ਹੈ ਨਾਲ ਨਾਜਾਇਜ਼ ਸੰਬੰਧ ਹਨ ਜਿਸ ਕਾਰਨ ਉਸਦੇ ਪਤੀ ਨੇ ਉਸਦੀ ਕੁੱਟਮਾਰ ਕੀਤੀ ਤੇ ਉਸਦੀ ਸੱਜੇ ਕੂਹਣੀ, ਸੱਜੇ ਗੋਡੇ, ਅੰਗੂਠੇ ਤੇ ਲੱਕ ਵਿਚ ਸੱਟਾਂ ਲੱਗ ਗਈਆਂ ।
ਅਜੀਤ ਡੈਸਕ
17-11-2026