ਗਣੇਸ਼ ਚਤੁਰਥੀ ਮੌਕੇ ਗਣੇਸ਼ ਉਤਸਵ ਦੀ ਹੋਈ ਆਰੰਭਤਾ
ਅੰਮ੍ਰਿਤਸਰ, 14 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਅੱਜ ਗਣੇਸ਼ ਚਤੁਰਥੀ ਦੇ ਮੌਕੇ ‘ਤੇ ਗਣੇਸ਼ ਉਤਸਵ ਦੀ ਆਰੰਭਤਾ ਪੂਰੇ ਜੋਰ-ਸ਼ੋਰ ਨਾਲ ਹੋਈ। ਸ਼ਰਧਾਲੂਆਂ ਵਲੋਂ ਬੜੀ ਸ਼ਰਧਾ ਭਾਵਨਾ ਨਾਲ ਆਪਣੇ ਘਰਾਂ ‘ਚ ਸ੍ਰੀ ਗਣਪਤੀ ਮਹਾਰਾਜ ਦੀ ਮੂਰਤੀ ਸਥਾਪਨਾ ਕੀਤੀ ਅਤੇ ਉਨ੍ਹਾਂ ਨੂੰ ਲਡੂੱਆਂ ਦੇ ਭੋਗ ਲਗਾਏ ਗਏ।
ਅੰਮ੍ਰਿਤਸਰ, 14 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਅੱਜ ਗਣੇਸ਼ ਚਤੁਰਥੀ ਦੇ ਮੌਕੇ ‘ਤੇ ਗਣੇਸ਼ ਉਤਸਵ ਦੀ ਆਰੰਭਤਾ ਪੂਰੇ ਜੋਰ-ਸ਼ੋਰ ਨਾਲ ਹੋਈ। ਸ਼ਰਧਾਲੂਆਂ ਵਲੋਂ ਬੜੀ ਸ਼ਰਧਾ ਭਾਵਨਾ ਨਾਲ ਆਪਣੇ ਘਰਾਂ ‘ਚ ਸ੍ਰੀ ਗਣਪਤੀ ਮਹਾਰਾਜ ਦੀ ਮੂਰਤੀ ਸਥਾਪਨਾ ਕੀਤੀ ਅਤੇ ਉਨ੍ਹਾਂ ਨੂੰ ਲਡੂੱਆਂ ਦੇ ਭੋਗ ਲਗਾਏ ਗਏ। ਇਸ ਉਤਸਵ ਦੌਰਾਨ ਸ਼ਰਧਾਲੂ ਰੋਜ਼ਾਨਾ ਉਨ੍ਹਾਂ ਦੀ ਪੂਜਾ ਅਰਚਨਾ ਕਰਦੇ ਹੋਏ ਸੁੱਖ-ਸ਼ਾਂਤੀ ਦੀ ਅਰਦਾਸ ਕਰਦੇ ਹਨ। ਇਸ ਤੋਂ ਬਾਅਦ ਇਹ ਉਤਸਵ ਸ੍ਰੀ ਗਣਪਤੀ ਮਹਾਰਾਜ ਦੀ ਮੂਰਤੀ ਵਿਸਰਜਨ ਨਾਲ ਸੰਪੂਰਨ ਹੋਵੇਗਾ। ਇਸ ਮੌਕੇ ਸ਼ਹਿਰ ਦੇ ਵੱਖ-ਵੱਖ ਮੰਦਰਾਂ-ਸ਼ਿਵਾਲਿਆਂ ਵਿਚ ਵੀ ਗਣੇਸ਼ ਚਤੁਰਥੀ ‘ਤੇ ਸ੍ਰੀ ਗਣਪਤੀ ਮਹਾਰਾਜ ਦੀ ਪੂਰੇ ਰੀਤੀ ਰਿਵਾਜਾਂ ਅਨੁਸਾਰ ਮੂਰਤੀ ਸਥਾਪਨਾ ਕੀਤੀ ਗਈ। ਸ਼ਿਵਾਲਾ ਬਾਗ ਭਾਈਆ, ਸ੍ਰੀ ਦੁਰਗਿਆਣਾ ਮੰਦਰ, ਪ੍ਰਾਚੀਨ ਗਣੇਸ਼ ਮੰਦਰ ਲਾਹੋਰੀ ਗੇਟ, ਗਣੇਸ਼ ਮਠ ਆਦਿ ‘ਚ ਸ਼ਰਧਾਲੂਆਂ ਦੀਆਂ ਰੌਣਕਾਂ ਲਗੀਆਂ ਰਹੀਆਂ।
