ਪਿੰਡ ਮੁਰਾਦ ਵਾਲਾ ਦਲ ਸਿੰਘ ਦੀ ਪੰਚਾਇਤ ਨੇ ਨੌਜਵਾਨਾਂ ਨੂੰ ਵੰਡੀਆਂ ਖੇਡ ਕਿੱਟਾਂ

ਅ

ਅਜੀਤ ਡੈਸਕ 11-09-2026

ਮੰਡੀ ਅਰਨੀਵਾਲਾ, 10 ਸਤੰਬਰ (ਨਿਸ਼ਾਨ ਸਿੰਘ ਮੋਹਲ਼ਾ)-ਪੰਜਾਬ ਸਰਕਾਰ ਵਲੋਂ ਸੂਬੇ ਵਿਚ ਖੇਡਾਂ ਵਤਨ ਪੰਜਾਬ ਦੀਆਂ ਦਾ ਕੀਤਾ ਆਗਾਜ਼ ਹੇਠਲੇ ਪੱਧਰ ’ਤੇ ਰੰਗ ਦਿਖਾਉਣ ਲੱਗਾ ਹੈ। ਹੁਣ ਵੱਡੀ ਉਮਰ ਦੇ ਵਿਅਕਤੀ ਵੀ ਖੇਡਾਂ ਦੇ ਨਾਲ ਜੁੜਨ ਲੱਗੇ। ਇਸੇ ਤਰ੍ਹਾਂ ਨਵੀਂ ਪੀੜੀ ਵੀ ਖੇਡਾਂ ਦੇ ਨਾਲ ਜੁੜਦੀ ਹੋਈ ਨਜ਼ਰ ਆ ਰਹੀ ਹੈ। ਪਿੰਡ ਮੁਰਾਦ ਵਾਲਾ ਦਲ ਸਿੰਘ ਦੀ ਪੰਚਾਇਤ ਵਲੋਂ ਪਿੰਡ ਦੇ ਛੋਟੇ ਬੱਚਿਆਂ ਤੋਂ ਲੈ ਕੇ ਵੱਡੀ ਉਮਰ ਦੇ ਖਿਡਾਰੀਆਂ ਤੱਕ ਨੂੰ ਖੇਡ ਕਿੱਟਾਂ ਵੱਡੀਆਂ ਗਈਆਂ। ਪੰਚਾਇਤ ਦੇ ਵਲੋਂ ਫੁੱਟਬਾਲ, ਵਾਲੀਬਾਲ ਤੇ ਕ੍ਰਿਕਟ ਟੀਮਾਂ ਨੂੰ ਖੇਡ ਕਿੱਟ ਵੰਡੀ। ਇਸ ਮੌਕੇ ਵੱਡੀ ਗਿਣਤੀ ਵਿਚ ਹਾਜ਼ਰ ਨੌਜਵਾਨਾਂ ਨੇ ਪੰਚਾਇਤ ਦਾ ਧੰਨਵਾਦ ਕੀਤਾ ਤੇ ਪੰਚਾਇਤ ਵਲੋਂ ਕੀਤੇ ਜਾ ਰਹੇ ਉਪਰਾਲੇ ਦੀ ਪ੍ਰਸ਼ੰਸਾ ਕੀਤੀ। ਪੰਚਾਇਤ ਵਲੋਂ ਅਧਿਕਾਰਤ ਪੰਚ ਭੁਪਿੰਦਰ ਕੌਰ, ਪੰਚ ਸ਼ਮਿੰਦਰ ਕੌਰ, ਪੰਚ ਮੰਜੂ ਰਾਣੀ, ਪੰਚ ਵਿਕਰਮਜੀਤ ਸਿੰਘ, ਨਿਸ਼ਾਨ ਸਿੰਘ , ਗੁਰਚਰਨ ਸਿੰਘ ਵਲੋਂ ਨੌਜਵਾਨਾਂ ਨੂੰ ਖੇਡ ਕਿੱਟਾਂ ਮੁਹੱਈਆ ਕਰਵਾਈਆਂ। ਇਸ ਮੌਕੇ ਸ਼ਰਨਪਾਲ ਖੁਰਾਨਾ, ਲਖਵਿੰਦਰ ਸਿੰਘ ਫ਼ੌਜੀ, ਰਮਨ ਸਿੰਘ ਧੀਮਾਨ, ਸੁੱਖ ਬਹਾਰ ਸਿੰਘ, ਸੋਨੀ ਢਿੱਲੋਂ , ਕਿਰਨਦੀਪ ਸਿੰਘ, ਸੁਖਦੀਪ ਸੁੱਖਾ, ਫ਼ਤਿਹ ਸਿੰਘ ਤੇ ਹੋਰ ਵੀ ਹਾਜ਼ਰ ਸਨ।