ਸੰਘੋਲ ’ਚ ਡਰੱਗ ਇੰਸਪੈਕਟਰ ਨੇ ਕੀਤੀ ਮੈਡੀਕਲ ਸਟੋਰਾਂ ਦੀ ਜਾਂਚ
ਸੰਘੋਲ, 16 ਅਕਤੂਬਰ (ਪਰਮਵੀਰ ਧਨੋਆ)- ਕਸਬਾ ਸੰਘੋਲ ਵਿਚ ਜ਼ਿਲ੍ਹਾ ਡਰੱਗ ਇੰਸਪੈਕਟਰ ਨਵਦੀਪ ਕੌਰ ਨੇ ਮੈਡੀਕਲ ਸਟੋਰਾਂ ਦੀ ਜਾਂਚ ਕੀਤੀ। ਜਾਂਚ ਦੌਰਾਨ ਸੰਬੰਧਿਤ ਥਾਣਾ ਖੇਤਰ ਦੀ ਪੁਲਸ ਪਾਰਟੀ ਵੀ ਮੌਜੂਦ ਰਹੀ।
ਸੰਘੋਲ, 16 ਅਕਤੂਬਰ (ਪਰਮਵੀਰ ਧਨੋਆ)- ਕਸਬਾ ਸੰਘੋਲ ਵਿਚ ਜ਼ਿਲ੍ਹਾ ਡਰੱਗ ਇੰਸਪੈਕਟਰ ਨਵਦੀਪ ਕੌਰ ਨੇ ਮੈਡੀਕਲ ਸਟੋਰਾਂ ਦੀ ਜਾਂਚ ਕੀਤੀ। ਜਾਂਚ ਦੌਰਾਨ ਸੰਬੰਧਿਤ ਥਾਣਾ ਖੇਤਰ ਦੀ ਪੁਲਸ ਪਾਰਟੀ ਵੀ ਮੌਜੂਦ ਰਹੀ। 3 ਮੈਡੀਕਲ ਸਟੋਰਾਂ ਦੀ ਜਾਂਚ ਦੌਰਾਨ ਡਰੱਗ ਇੰਸਪੈਕਟਰ ਨੇ ਸਟੋਰ ’ਚ ਪਈਆਂ ਦਵਾਈਆਂ ਅਤੇ ਰਿਕਾਰਡ ਦੀ ਬਾਰੀਕੀ ਨਾਲ ਜਾਂਚ ਕੀਤੀ। ਗੱਲਬਾਤ ਮੌਕੇ ਅਧਿਕਾਰੀਆਂ ਆਖਿਆ ਕਿ ਇਨ੍ਹਾਂ ਮੈਡੀਕਲ ਸਟੋਰਾਂ ਦੀ ਜਾਂਚ ਦੌਰਾਨ ਕਿਸੇ ਤਰ੍ਹਾਂ ਦੀ ਬੇਨਿਯਮੀ ਸਾਹਮਣੇ ਨਹੀਂ ਆਈ ਹੈ। ਅਧਿਕਾਰੀ ਨੇ ਮੈਡੀਕਲ ਸਟੋਰ ਮਾਲਕਾਂ ਨੂੰ ਹਦਾਇਤ ਕੀਤੀ ਕਿ ਵਿੱਕਰੀ ਦੌਰਾਨ ਵਿਭਾਗੀ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਯਕੀਨੀ ਬਣਾਉਣ। ਇਸ ਤੋਂ ਇਲਾਵਾ ਅਧਿਕਾਰੀ ਨੇ ਕਿਹਾ ਕਿ ਜੇਕਰ ਮੈਡੀਕਲ ਸਟੋਰ ਮਾਲਕਾਂ ਨੂੰ ਉਨ੍ਹਾਂ ਕੋਲ ਆਉਣ ਵਾਲਾ ਕੋਈ ਨੌਜਵਾਨ ਨਸ਼ੇੜੀ ਪ੍ਰਤੀਤ ਹੁੰਦਾ ਹੈ, ਤਾਂ ਆਨੇ ਬਹਾਨੇ ਉਸ ਦਾ ਮੋਬਾਈਲ ਨੰਬਰ ਜਾਂ ਪਤਾ ਹਾਸਲ ਕਰਨ। ਅਜਿਹਾ ਕਰਨ ਨਾਲ ਨਸ਼ੇੜੀ ਦੇ ਪਰਿਵਾਰ ਨਾਲ ਸੰਪਰਕ ਸਾਧ ਕੇ ਨੌਜਵਾਨ ਨੂੰ ਇਲਾਜ ਲਈ ਦਾਖਲ ਕਰਵਾਇਆ ਜਾ ਸਕੇ।
