ਵਿਸ਼ਵ ਕਬਾਇਲੀ ਦਿਵਸ ਦੇ ਮੌਕੇ ਕਬਾਇਲੀ ਅਧਿਕਾਰਾਂ ਅਤੇ ਵਿਰਾਸਤ ’ਤੇ ਹੋਵੇਗੀ 9 ਨੂੰ ਚਰਚਾ

ਪਟਿਆਲਾ, 5 ਅਗਸਤ (ਮਨਦੀਪ ਸਿੰਘ ਖਰੌੜ)-ਆਲ ਇੰਡੀਆ ਅੰਬੇਡਕਰ ਮਹਾਂਸਭਾ ਦੇ ਕੌਮੀ ਪ੍ਰਮੁੱਖ ਸਕੱਤਰ ਅਮਰੀਕ ਸਿੰਘ ਬੰਗੜ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਮਹਾਂਸਭਾ ਵਲੋਂ ਵਿਸ਼ਵ ਕਬਾਇਲੀ ਦਿਵਸ ਦੇ ਮੌਕੇ ’ਤੇ ਜ਼ਿਲ੍ਹਾ ਆਨੰਦ, ਗੁਜਰਾਤ ਵਿਚ ਸਮਾਜਿਕ ਜਾਗਰੂਕਤਾ ਅਤੇ ਆਦਿਵਾਸੀ ਸਮਾਜ ਦੇ ਮੁੱਦਿਆਂ ਨੂੰ ਵਧਾਉਣ ਲਈ ਇਕ ਵਿਸ਼ੇਸ਼ ਪ੍ਰੋਗਰਾਮ ਕਰਵਾਇਆ ਜਾਵੇਗਾ। ਇਹ ਪ੍ਰੋਗਰਾਮ ਆਲ ਇੰਡੀਆ ਅੰਬੇਡਕਰ ਮਹਾਂਸਭਾ ਦੇ ਸੂਬਾ ਪ੍ਰਧਾਨ ਗੁਜਰਾਤ ਕੀਰਤ ਭਾਈ ਪ੍ਰਮਾਰ ਦੁਆਰਾ 9 ਅਗਸਤ ਨੂੰ ਸਵੇਰੇ 11 ਵਜੇ ਬੀ-1, ਈਡਨ ਪਾਰਕ, ਸੰਕਲਪ ਬੰਗਲਾ, ਆਨੰਦ (ਗੁਜਰਾਤ) ਵਿਖੇ ਕੀਤਾ ਜਾਵੇਗਾ।