ਸ਼ਹਿਰੀ ਕਾਂਗਰਸ ਪ੍ਰਧਾਨ ਨੇ ਮੁੱਖ ਮੰਤਰੀ ਦੇ ਹੋਰਡਿੰਗ ਨੂੰ ਕਾਲੀ ਸਿਆਹੀ ਪੋਤ ਕੇ ਪਾੜਿਆ
ਹੁਸ਼ਿਆਰਪੁਰ, 16 ਅਕਤੂਬਰ (ਹਰਪ੍ਰੀਤ ਕੌਰ)-ਸ਼ਹਿਰੀ ਕਾਂਗਰਸ ਦੇ ਪ੍ਰਧਾਨ ਰੋਹਨੀਸ਼ ਓਹਰੀ ਨੇ ਸ਼ੁੱਕਰਵਾਰ ਨੂੰ ਚਿੰਤਪੂਰਨੀ ਸੜਕ ’ਤੇ ਪਿੰਡ ਆਦਮਵਾਲ ਦੇ ਨਜ਼ਦੀਕ ਲੱਗੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹੋਰਡਿੰਗ ਨੂੰ ਕਾਲੀ ਸਿਆਹੀ ਦਾ ਸਪਰੇਅ ਕਰਕੇ ਵਿਗਾੜ ਦਿੱਤਾ। ਹੋਰਡਿੰਗ ਨੂੰ ਬਾਅਦ ਵਿਚ ਪਾੜ ਵੀ ਦਿੱਤਾ ਗਿਆ।
ਪ
ਪਿੰਡ ਆਦਮਵਾਲ ਨਜ਼ਦੀਕ ਕਾਲੀ ਸਿਆਹੀ ਲਗਾਉਣ ਉਪਰੰਤ ਪਾੜੇ ਗਏ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹੋਰਡਿੰਗ ਦੀ ਤਸਵੀਰ। ਤਸਵੀਰ : ਹਰਪ੍ਰੀਤ ਕੌਰ
17-10-2026
ਹੁਸ਼ਿਆਰਪੁਰ, 16 ਅਕਤੂਬਰ (ਹਰਪ੍ਰੀਤ ਕੌਰ)-ਸ਼ਹਿਰੀ ਕਾਂਗਰਸ ਦੇ ਪ੍ਰਧਾਨ ਰੋਹਨੀਸ਼ ਓਹਰੀ ਨੇ ਸ਼ੁੱਕਰਵਾਰ ਨੂੰ ਚਿੰਤਪੂਰਨੀ ਸੜਕ ’ਤੇ ਪਿੰਡ ਆਦਮਵਾਲ ਦੇ ਨਜ਼ਦੀਕ ਲੱਗੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹੋਰਡਿੰਗ ਨੂੰ ਕਾਲੀ ਸਿਆਹੀ ਦਾ ਸਪਰੇਅ ਕਰਕੇ ਵਿਗਾੜ ਦਿੱਤਾ। ਹੋਰਡਿੰਗ ਨੂੰ ਬਾਅਦ ਵਿਚ ਪਾੜ ਵੀ ਦਿੱਤਾ ਗਿਆ। ਰੋਹਨੀਸ਼ ਓਹਰੀ ਨੇ ਕਿਹਾ ਕਿ ਪੰਜਾਬ ਵਿਚ ਨਸ਼ਿਆਂ ਨੂੰ ਕਾਬੂ ਕਰਨ ਵਿਚ ਨਾਕਾਮ ਰਹਿਣ ਅਤੇ ਨਸ਼ੇ ਦੇ ਕਾਰੋਬਾਰ ਦੀ ਸਿਆਸੀ ਪੁਸ਼ਤ ਪਨਾਹੀ ਦੇ ਵਿਰੋਧ ਵਿਚ ਇਹ ਕੀਤਾ ਗਿਆ ਹੈ। ਓਹਰੀ ਨੇ ਕਿਹਾ ਕਿ ‘ਆਪ’ ਨੇ ਸਰਕਾਰ ਬਣਾਉਣ ਸਮੇਂ ਇਹ ਵਾਅਦਾ ਕੀਤਾ ਸੀ ਕਿ ਨਸ਼ਿਆਂ ’ਤੇ ਜਲਦੀ ਹੀ ਠੱਲ੍ਹ ਪਾ ਲਈ ਜਾਵੇਗੀ ਪਰ ਇਸ ਦੇ ਕਾਰਜਕਾਲ ਦੌਰਾਨ ਨਸ਼ੇ ਦਾ ਕਾਰੋਬਾਰ ਇਸ ਕਦਰ ਵਧ ਗਿਆ ਹੈ ਕਿ ਘਰ-ਘਰ ਨਸ਼ਾ ਵਿਕਣ ਲੱਗਿਆ ਹੈ। ਉਨ੍ਹਾਂ ਨਸ਼ਿਆਂ ਖਿਲਾਫ਼ ਲੜਾਈ ਲੜ ਰਹੇ ਹਰਵਿੰਦਰ ਸਿੰਘ ਝੋਟਾ ਦੇ ਕਤਲ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਸਿਆਹੀ ਪੋਤਣ ਦਾ ਫ਼ੈਸਲਾ ਇਸ ਘਟਨਾ ਦੇ ਵਿਰੋਧ ਵਿਚ ਵੀ ਹੈ। ਉਨ੍ਹਾਂ ਕਿਹਾ ਕਿ ਸ਼ਹਿਰ ਵਿਚ ਜਿਥੇ ਕਿਤੇ ਵੀ ਮੁੱਖ ਮੰਤਰੀ ਨੂੰ ਇਮਾਨਦਾਰ ਦਰਸਾਉਂਦੇ ਪੋਸਟਰ ਜਾਂ ਹੋਰਡਿੰਗ ਲੱਗੇ ਹਨ, ਯੂਥ ਕਾਂਗਰਸ ਉਨ੍ਹਾਂ ਨੂੰ ਪਾੜ ਦੇਵੇਗੀ। ਸਮਾਚਾਰ ਲਿਖੇ ਜਾਣ ਤੱਕ ਪੁਲਿਸ ਵਲੋਂ ਇਸ ਘਟਨਾ ਦਾ ਕੋਈ ਨੋਟਿਸ ਨਹੀਂ ਲਿਆ ਗਿਆ ਸੀ।
