ਜਾਗਰਣ ਦੌਰਾਨ ਸਾਈਕੋਲੋਜਿਸਟ ਹਰਜੋਤ ਸਿੰਘ ਤੇ ਹੋਰਨਾਂ ਦਾ ਸਨਮਾਨ
ਗੜ੍ਹਦੀਵਾਲਾ, 18 ਸਤੰਬਰ (ਚੱਗਰ)-ਪਿੰਡ ਡੱਫਰ ਵਿਖੇ ਸਮੂਹ ਪਿੰਡ ਵਾਸੀਆਂ ਤੇ ਐਨ. ਆਰ.
ਗੜ੍ਹਦੀਵਾਲਾ, 18 ਸਤੰਬਰ (ਚੱਗਰ)-ਪਿੰਡ ਡੱਫਰ ਵਿਖੇ ਸਮੂਹ ਪਿੰਡ ਵਾਸੀਆਂ ਤੇ ਐਨ. ਆਰ. ਆਈ. ਵੀਰਾਂ ਦੇ ਸਹਿਯੋਗ ਨਾਲ ਸ਼ਿਵ ਮੰਦਰ ਵਿਖੇ ਭਗਵਤੀ ਜਾਗਰਣ ਕਰਵਾਇਆ, ਜਿਸ ਦੌਰਾਨ ਜੋਤ ਪ੍ਰਚੰਡ ਕਰਨ ਉਪਰੰਤ ਅਮਨ ਸ਼ਹਿਜ਼ਾਦਾ ਟਾਂਡੇ ਵਾਲਿਆਂ ਨੇ ਭਜਨ ਗਾਉਂਦਿਆਂ ਸ਼ਰਧਾਲੂਆਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੱਤਾ। ਜਾਗਰਣ ਦੌਰਾਨ ਝਾਕੀਆਂ ਵੀ ਪੇਸ਼ ਕੀਤੀਆਂ ਜਿਹੜੀਆਂ ਸ਼ਰਧਾਲੂਆਂ ਲਈ ਖਿੱਚ ਦਾ ਕੇਂਦਰ ਬਣੀਆਂ। ਇਸ ਮੌਕੇ ਸ਼ਿਵ ਮੰਦਰ ਕਮੇਟੀ ਡੱਫਰ ਵਲੋਂ ਹਰਜੋਤ ਸਿੰਘ ਸਹੋਤਾ ਪ੍ਰਧਾਨ ਐੱਸ. ਓ. ਡੀ. ਤੇ ਸਾਈਕੋਲੋਜਿਸਟ ਸਮੇਤ ਪਹੁੰਚੀਆਂ ਅਨੇਕਾਂ ਸ਼ਖ਼ਸੀਅਤਾਂ ਦਾ ਵਿਸ਼ੇਸ਼ ਤੌਰ ’ਤੇ ਸਨਮਾਨ ਕੀਤਾ। ਇਸ ਮੌਕੇ ਰਾਧੇ ਸ਼ਾਮ, ਪੰਚ ਅਮਨ, ਬਲਦੇਵ ਦੇਬੀ , ਸੁਖਜਿੰਦਰ ਭੁੱਟੋ, ਲਵਿੰਦਰ ਸਿੰਘ, ਪ੍ਰੇਮ ਪਾਲ, ਗਗਨ ਸਟੂਡੀਓ, ਸਰਬਜੀਤ ਕਾਲੂ, ਅਰਮਾਨ ਡੱਫਰ, ਦਲਜਿੰਦਰ ਸਿੰਘ ਕਾਕਾ, ਹਰਦੀਪ ਸਿੰਘ, ਮਿੱਠੂ ਨਿੱਕਾ, ਨਿੱਕੂ, ਧਿਆਨੂੰ ਆਦਿ ਹਾਜ਼ਰ ਸਨ।
