ਤਖ਼ਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਵਿਖੇ ਗੁਰੂ ਸਾਹਿਬਾਨ ਦੀਆਂ ਸੁਸ਼ੋਭਿਤ ਨਿਸ਼ਾਨੀਆਂ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਬਲਦੇਵ ਸਿੰਘ ਨੇ ਸਾਲਸ ਰਾਏ ਜੋਹਰੀ ਦੀਵਾਨ ਹਾਲ ਵਿਖੇ ਸੰਗਤ ਨੂੰ ਦਰਸ਼ਨ ਕਰਵਾਏ | ਇਨ੍ਹਾਂ ਨਿਸ਼ਾਨੀਆਂ 'ਚ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਬਚਪਨ ਦੇ ਚਾਰ ਤੀਰ, ਇਕ ਤਲਵਾਰ, ਚੱਕਰ, ਖੰਡਾ, ਛੋਟੀ ਚੱਕਰੀ, ਬਾਗ ਨੱਥਾਂ ਖ਼ੰਜਰ, ਚੰਦਨ ਦੀ ਲੱਕੜ ਦਾ ਕੰਘਾ, ਗੁਰੂ ਗੋਬਿੰਦ ਸਿੰਘ ਜੀ ਦਾ 15 ਸਾਲ ਦੀ ਉਮਰ 'ਚ ਪਹਿਨਿਆ ਹੋਇਆ ਚੋਲਾ, ਗੁਰੂ ਤੇਗ਼ ਬਹਾਦਰ ਜੀ ਦਾ ਪਟਨਾ ਸਾਹਿਬ ਦੀ ਸੰਗਤ ਦੇ ਨਾਂਅ ਭੇਜਿਆ ਹੁਕਮਨਾਮਾ, ਇਥੇ ਮਾਤਾ ਗੁਜਰੀ ਜੀ ਦਾ ਖੂਹ ਮੌਜੂਦ ਹੈ | ਇਸ ਤੋਂ ਇਲਾਵਾ ਪੰਘੂੜਾ, ਜਿਥੇ ਬਾਲ ਗੋਬਿੰਦ ਰਾਏ ਬਚਪਨ 'ਚ ਬੈਠਿਆ ਕਰਦੇ ਸਨ, ਗੁਲੇਲੇ ਦੀ ਗੋਲੀ, ਹਾਥੀ ਦੰਦ ਦੀਆਂ ਬਣੀਆਂ ਖੜਾਵਾਂ, ਖੰਜਰ ਆਦਿ ਸ਼ਾਮਿਲ ਹਨ |
