ਥਾਣਾ ਮਾਨਸਾ ਦੀ ਸੂਚਨਾ ਦੇ ਆਧਾਰ ’ਤੇ ਸੀ. ਬੀ. ਆਈ. ਵਲੋਂ ਮੁਕੱਦਮਾ ਦਰਜ

ਮਾਨਸਾ, 21 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ)- ਪਰਵਿੰਦਰ ਸਿੰਘ ਝੋਟਾ ਹੱਤਿਆ ਮਾਮਲੇ ’ਚ ਕੇਂਦਰੀ ਜਾਂਚ ਏਜੰਸੀ ਨੇ ਥਾਣਾ ਸ਼ਹਿਰੀ-2 ਮਾਨਸਾ ਦੀ ਸੂਚਨਾ ਪ੍ਰਾਪਤ ਹੋਣ ’ਤੇ ਅੱਜ ਚੰਡੀਗੜ੍ਹ ਹੈੱਡ ਕੁਆਟਰ ਵਿਖੇ ਮੁਕੱਦਮਾ ਦਰਜ ਕੀਤਾ ਹੈ। ਇਹ ਮੁਕੱਦਮਾ ਥਾਣੇ ’ਚ ਦਰਜ ਕੀਤੀ ਐਫ. ਆਈ. ਆਰ. ਦੇ ਆਧਾਰ ’ਤੇ ਹੀ ਹੋਇਆ ਹੈ। ਜਾਂਚ ਅਧਿਕਾਰੀ ਡਾ. ਨਵਦੀਪ ਸਿੰਘ ਬਰਾੜ ਡੀ. ਆਈ. ਜੀ. ਜਨਰਲ ਆਫ਼ ਪੁਲਿਸ ਸੀ. ਬੀ. ਆਈ., ਏ. ਸੀ. ਬੀ. ਚੰਡੀਗੜ੍ਹ ਹਨ। ਮੁਕੱਦਮਾ ਝੋਟੇ ਦੇ ਪਿਤਾ ਭੀਮ ਸਿੰਘ ਦੇ ਬਿਆਨਾਂ ’ਤੇ ਹੋਇਆ ਸੀ। ਉਹੀ ਮੁਕੱਦਮਾ ਸੀ. ਬੀ. ਆਈ. ਨੇ ਆਪਣੇ ਥਾਣੇ ’ਚ ਦਰਜ ਕਰ ਲਿਆ ਹੈ।