ਸਮਾਣਾ ਵਿਚ ਮੀਂਹ ਤੇ ਝੱਖੜ ਨੇ ਕਿਸਾਨਾਂ ਨੂੰ ਫ਼ਿਕਰਾਂ ’ਚ ਪਾਇਆ

ਸਮਾਣਾ, (ਪਟਿਆਲਾ), 11 ਅਕਤੂਬਰ (ਸਾਹਿਬ ਸਿੰਘ)- ਸਮਾਣਾ ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿਚ ਮੀਂਹ ਅਤੇ ਝੱਖੜ ਕਾਰਨ ਮੌਸਮ ਦਾ ਮਿਜ਼ਾਜ ਬਦਲ ਗਿਆ ਹੈ। ਮੀਂਹ ਪੈਣ ਨਾਲ ਜਿੱਥੇ ਲੋਕਾਂ ਨੂੰ ਬਦਲਦੇ ਮੌਸਮ ਦਾ ਅਹਿਸਾਸ ਹੋਇਆ, ਉੱਥੇ ਹੀ ਤੇਜ਼ ਹਵਾਵਾਂ ਕਾਰਨ ਆਮ ਜਨਜੀਵਨ ਵੀ ਪ੍ਰਭਾਵਿਤ ਹੋਇਆ। ਮੌਸਮ ਵਿਚ ਆਈ ਤਬਦੀਲੀ ਕਾਰਨ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲਣ ਦੀ ਉਮੀਦ ਹੈ। ਦੂਜੇ ਪਾਸੇ ਝੱਖੜ ਕਾਰਨ ਫ਼ਸਲਾਂ ਅਤੇ ਮੰਡੀਆਂ ਵਿਚ ਪਏ ਝੋਨੇ ਨੂੰ ਲੈ ਕੇ ਕਿਸਾਨ ਫ਼ਿਕਰਾਂ ਵਿਚ ਹਨ। ਕਿਸਾਨਾਂ ਲਈ ਮੌਸਮ ਦੀ ਇਹ ਤਬਦੀਲੀ ਕਿੰਨੀ ਲਾਹੇਵੰਦ ਜਾਂ ਨੁਕਸਾਨਦਾਇਕ ਰਹੇਗੀ, ਇਹ ਮੀਂਹ ਦੀ ਮਾਤਰਾ ਅਤੇ ਹਵਾਵਾਂ ਦੀ ਤੀਬਰਤਾ ’ਤੇ ਨਿਰਭਰ ਕਰੇਗਾ। ਅੱਧੇ ਘੰਟੇ ਤੋਂ ਤੇਜ਼ ਵਰਖਾ ਹੋ ਰਹੀ ਹੈ।